Gropa hadde ingen bestemt funksjon, bortsett frå éin einaste dag i året: Sankthansaftan. Då samla heile nabolaget seg her med campingstolar og flasker med Berentsen-brus og pylser og poteteskaker frå Roxman i Sirevåg, og far til Svein tente eit veldig bål, utan tvil det største i kommunen. 8/?

Show Post

I dag er heile garden til Svein og dei bygd ut med bustader; fleire av nabogardane med. Men for tretti år sidan var det framleis eit aktivt gardsbruk med sauer, mjølkekyr og, som sagt, hestar. Dei hadde vide jorde med poteter og gras, der me låg i telt om sommaren og bygde hoppbakke om vinteren. 6/?

Show Post

Øvst i Torkel Lendes veg bur Svein og dei. Svein er ein av to gutar i klassen min som bur på gard, og alle me andre vert kvar haust like misunnelege når dei får fri frå skulen ei heil veke for å vere med fedrane sine til Sirdal for å sanke sau. (Me anar ikkje kor strevsamt å sanke sau er.) 5/?

Show Post

Men framleis finst spor av det gamle bondesamfunnet. På nabotomta vår står ei gamal, samanrast løe som det bur flaggermus i, lenger inne beitar oksar langs vegen, og han som eig oksane seljer usjenert heimebrent frå garasjen sin kvar helg. Samstundes knallar mopedane av garde nede på fylkesvegen 3/?

Show Post

Me befinn oss på byrjinga av 1990-talet! Bryne-bydelen Rosseland er i ferd med å verte suburbanisert, eit Block Watne-paradis der alle foreldra har jobbar som liknar kvarandre og ser tilnærma identiske ut. Eit samfunn beståande av Lotto-fotballsko, DBS-syklar og videospelarar frå JVC. 2/?

Show Post